ХАЛЫҚАРАЛЫҚ ЖҮРГІЗУШІ КУӘЛІГІ (ХЖК НЕМЕСЕ IDP) ДЕГЕНІМІЗ НЕ?
Халықаралық жүргізуші куәлігі (ХЖК немесе IDP) — бұл сіздің Ұлттық жүргізуші куәлігіңізге (Қазақстандық праваға) қосымша ретінде берілетін А6 форматындағы кітапша. Ол ішіндегі мәліметтерді халықаралық тілдерге аударып, өз еліңізден тыс жерлерде көлік жүргізу құқығыңызды растайды.
IDA ұсынатын IDP әлемнің негізгі 11 тіліне аударылған, су өткізбейтін сұр мұқабасы, голографиялық қорғанысы және ұйымның мөрі бар. Ол екі халықаралық «Жол қозғалысы туралы» Конвенцияның талаптарына толық сай келеді, сондықтан оны әлемнің 180-нен астам елінде кедергісіз қолдануға болады.
НАЗАР АУДАРЫҢЫЗ: Бұл құжатты Жапония мен Қытайда пайдалануға шектеулер бар, сондықтан осы елдерге барар алдында ұйым қызметкерлерінен ақпаратты нақтылап алуыңызды сұраймыз.
ХЖК жарамдылық мерзімі:
Вена конвенциясына және ҚР «Жол қозғалысы туралы» заңына (11-тарау, 73-бап, 9-тармақ) сәйкес — ХЖК ең көп дегенде 3 жылға беріледі (бірақ Ұлттық куәліктің мерзімінен аспауы тиіс).
Ал Женева конвенциясына сәйкес — ХЖК жарамдылық мерзімі ең көбі 1 жылды құрайды.
International Drivers Association ұсынатын IDP стандарты
- Міндетті түрде International Drivers Association ресми өкілдігінің дөңгелек мөрінің болуы;
- IDP түпнұсқалығын растайтын қорғаныс голографиялық мөртабаны;
- Ұлттық жүргізуші куәлігін берген елдің атауы мен әріптік коды;
- Орталық Австриялық Базаның тізіліміне сәйкес әрбір IDP-ге берілетін жеке сәйкестендіру нөмірі;
- Жарамдылық мерзімі – берілген күннен бастап 3 жыл немесе ұлттық куәліктің мерзімі 3 жылдан аз болса, соның аяқталуына дейін;
- IDP берілген нақты күні;
- Өтінімде көрсетілген Ұлттық куәліктің нөмірі;
- Ұлттық куәлікке сәйкес рұқсат етілген көлік санаттары (категориялары);
- Өтінімде көрсетілген тегі, аты, туған жері, туған күні және тіркелген мекенжайы;
- Өтінім беру кезінде ұсынылған фотосурет;
- Қолтаңба үлгісі;
- IDA Орталық базасында IDP статусын тексеруге арналған QR-код.
Халықаралық куәлік (ХЖК) не үшін қажет?
ХЖК сіздің қай елдің азаматы екеніңізге қарамастан, халықаралық конвенцияларға қол қойған елдерде (Конвенция елдерінің тізімін қараңыз) еркін жүріп-тұруға, көлік жүргізуге және автокөлік жалдауға (арендаға алуға) мүмкіндік береді.
Маңызды: ХЖК сіз азаматы немесе тұрақты тұрғыны болып табылатын елдің аумағында (мысалы, Қазақстанда) жарамсыз және оны ол жерде пайдалануға болмайды!
Халықаралық жүргізушілер қауымдастығының автотуристке арналған ID картасы халықаралық куәліктің бар екенін және оның IDA Орталық базасында тіркелгенін растайды. Карта Қауымдастықтың серіктестік бағдарламаларында, сондай-ақ қажет болған жағдайда мемлекеттік емес органдарға көрсету үшін арналған.
Бұл карта жүргізуші куәлігі болып табылмайды.
Жүргізушілік ID картаның өзіндік қорғаныс элементтері мен голографиялық жабыны бар, сондай-ақ онда ХЖК-ның жеке нөмірі көрсетілген. Бұл карта тек International Drivers Association мүшелеріне ғана беріледі.
ҚР Ұлттық жүргізуші куәлігі (Қазақстандық права) — ҚР «Жол қозғалысы туралы» заңына және халықаралық конвенцияларға сәйкес, бұл жол полициясында емтихан тапсырғаннан кейін 10 жылға берілетін, көлемі қарапайым визиткадай (86 х 54 мм) қызғылт пластик карта. ҚР Ұлттық куәлігі халықаралық стандарттар бойынша жасалған, бірақ ҚР заңнамасына сәйкес Халықаралық жүргізуші куәлігі мәртебесіне ИЕ ЕМЕС.
«ЖОЛ ҚОЗҒАЛЫСЫ ТУРАЛЫ» КОНВЕНЦИЯЛАРҒА ҚОЛ ҚОЙҒАН ЕЛДЕР ТІЗІМІ
Төменде Вена және Женева конвенцияларының талаптарын сақтайтын елдердің тізімі көрсетілген.